गणराज्य न्यूज ब्राम्हणी : आदिशक्ती मुक्ताई समाधी सोहळ्यानिमित्त आजपासून श्री क्षेत्र ब्राह्मणीत अखंड हरिनाम सप्ताह व श्री संत तुकाराम महाराज गाथा पारायण सोहळ्यास प्रारंभ करण्यात आला आहे.
दरवर्षी सालाबादप्रमाणे अखंड हरिनाम सप्ताहाचे आयोजन केले जाते. ९ ते १६ मे दरम्यान काकडा भजन, विष्णू सहस्त्रनाम,श्री संत तुकाराम गाथा पारायण, हरिपाठ व हरी किर्तन आदी धार्मिक कार्यक्रमाचे आयोजन करण्यात आले आहे.
मंगळवार ९ मे पासून सुरू होणाऱ्या सप्ताहात दादा महाराज वायसळ, रामेश्वर महाराज राऊत, ज्ञानेश्वर महाराज कदम, राम महाराज डोंगर, सुखदेव महाराज गाडेकर, सुनील महाराज झांबरे, चंद्रकांत महाराज खळेकर आदींची रात्री ७ ते ९ या वेळेत हरिकीर्तन होणार आहे. तर, रविवार १४ मे रोजी आदिशक्ती मुक्ताई समाधी सोहळा निमित्त नामदेव महाराज जाधव शास्त्री यांचे सकाळी ९ ते ११ किर्तन होईल.
मंगळवार १६ मे रोजी स्वामी प्रकाशनंदजी महाराज गिरी यांचे काल्याचे किर्तन होईल. तरी या धार्मिक कार्यक्रमात सर्वांनी सहभागी व्हावे असे आवाहन सप्ताह आयोजक समिती व ग्रामस्थ यांनी केले आहे.
